კასპში ქალაქის დღესასწაული — „კასპობა 2026“ — 10 ოქტომბერს გაიმართება. სადღესასწაულო ღონისძიებები 11:00 საათიდან დაიწყება და დღის განმავლობაში კულტურულ, გასართობ და სპორტულ აქტივობებს გააერთიანებს.
დღესასწაულის ფარგლებში მოეწყობა ხელნაკეთი ნივთების გამოფენა-გაყიდვა, აგრარული პროდუქციის გამოფენა-გაყიდვა, ბავშვებისთვის სხვადასხვა აქტივობა, სპორტული ღონისძიებები და სხვა გასართობი პროგრამები.
ღონისძიების ფარგლებში დაგეგმილია ფოლკლორული და ქართული ხალხური შემოქმედების წარმომადგენლების მონაწილეობა. ასევე გაიმართება კონცერტი და ადგილობრივი შემსრულებლების გამოსვლები.
საზეიმო დღის მუსიკალური ნაწილი 19:00 საათიდან დაიწყება. კონცერტზე ჯგუფი „ბანი“, კასპის გუნდი „Old Strings“ და DJ წარდგებიან.
კასპის მუნიციპალიტეტი ქალაქის დღესასწაულზე მოსახლეობასა და სტუმრებს ეპატიჟება.
