ამერიკის ელჩმა საქართველოში, კასპის მუნიციპალიტეტში მდებარე საწარმო მოინახულა.  

2006 წლიდან კასპში მდებარე კომპანია „TMT" კონსერვირებულ ხილსა და ბოსტნეულს ადგილობრივი და საერთაშორისო ბაზრებისთვის აწარმოებს, მათ შორის - ევროკავშირის ქვეყნებისა და შეერთებული შტატებისთვის. აშშ-ის საელჩომ „TMT"-ს მხარი დაუჭირა USAID-ის სოფლის მეურნეობის პროგრამის ფარგლებში. აღნიშნული დახმარებით კომპანიამ შეძლო ახალი დანადგარების ყიდვა, საწარმოს განახლება და მარკეტინგული მხარდაჭერის მიღება. ასევე, აშშ-ის მთავრობის დახმარებით „TMT"-მ ახალი ბაზრები აითვისა, მათ შორის - გერმანიაში, შეერთებულ შტატებსა და ლატვიაში.

საწარმოში ვიზიტისას ელჩმა დეგნანმა „TMT"-ს წარმატება მიულოცა და ხაზგასმით აღნიშნა მისი მსგავსი კომპანიების მნიშვნელობა საქართველოს, როგორც საერთაშორისო ბრენდის, განვითარებაში.