სუს-მა დაადასტურა ინფორმაცია, რომელიც თავდაპირველად ,,ტვ მონიტორინგმა“ გაავრცელა



სუს-მა დაადასტურა ინფორმაცია, რომელიც თავდაპირველად ,,ტვ მონიტორინგმა“ გაავრცელა

გორის მუნიციპალიტეტის სოფელ ბერშუეთიდან, ოკუპანტების მიერ გატაცებული მამაკაცის შესახებ ,,სუს“-მა განცხადება გაავრცელა, რომელსაც უცვლელად გთავაზობთ:

,,მიმდინარე წლის ოქტომბერში გორის მუნიციპალიტეტის სოფელ ბერშუეთის მიმდებარე ოკუპირებულ ტერიტორიაზე, საოკუპაციო ძალების წარმომადგენლებმა უკანონოდ დააკავეს საქართველოს მოქალაქე. უკანონო დაკავების ფაქტზე, მყისიერად გააქტიურდა ცხელი ხაზი და განხორციელდა ევროკავშირის სადამკვირვებლო მისიის ინფორმირება. მომხდარის შესახებ ეცნობა ჟენევის საერთაშორისო დისკუსიების თანათავმჯდომარეებსა და ჩვენს საერთაშორისო პარტნიორებს. ამოქმედებულია ყველა არსებული ბერკეტი და საერთაშორისო პარტნიორებთან ერთად მიმდინარეობს მუშაობა უკანონო პატიმრობაში მყოფ პირთა გათავისუფლების მიზნით. საოკუპაციო ძალების მიერ განხორციელებული უკანონო დაკავებები აზიანებს ადგილზე არსებულ უსაფრთხოების გარემოს და უკიდურესად ართულებს ადგილობრივი მოსახლეობის ყოველდღიურ ცხოვრებას. აღნიშნულზე სრული პასუხისმგებლობა ეკისრება საოკუპაციო ძალას“ - წერია სუს-ის განცხადებასი.

ცნობისთვის, საქართველოს კიდევ ერთი მოქალაქის დაკავების შესახებ ინფორმაცია ,,ტვ მონიტორინგმა“ დღეს დილით გაავრცელა, რომელიც ოფიციალურმა უწყებამ მოგვიანებით დაადასტურა.

ასევე შეგიძლიათ იხილოთ