გორში მომხდარ დაპირისპირებასთან დაკავშირებით ,,ტვ მონიტორინგისთვის“ დამატებითი დეტალები ხდება ცნობილი. არსებული ინფორმაციით, წუხელ გვიან ღამით, წერეთლის ქუჩაზე  ათამდე ახალგაზრდა ერთამენეთს ფიზიკურად გაუსწორდა, რა  დროსაც ჩვენი ინფორმაციით, ერთ-ერთი მათგანი მსუბუქად დაიჭრა. წყარო ,,ტვ მონიტორინგს“ უყვება, რომ მისი გადაყვანა სამედიცინო დაწესებულებაში საჭირო არ გახდა.

შინაგან საქმეთა სამინისტროში დაჭრის ფაქტს არ ადასტურებენ, თუმცა ახალგაზრდებს შორის მომხდარი ჩხუბის შედეგად, 6 ადამიანის დაკავებას არ უარყოფენ. უწყების წარმომადგენლების ცნობით, მომხდარზე დაწყებულია გამოძიება. დაკავებულები წინასწარი დაკავების იზოლატორში გადაიყვანეს.