გორის მესამე საჯარო სკოლის ყოფილი პედაგოგის თქმით, საგაკვეთილო პროცესის დროს, თანამშრომლები სვამდნენ
გორის მესამე საჯარო სკოლაში ხმაური იყო. დაპირისპირება სკოლის ყოფილ პედაგოგსა და დარაჯს შორის მოხდა. თეა კეჩხუაშვილის განცხადებით, საგაკვეთილო პროცესის დროს, სკოლის თანამშრომლები ალკოჰოლს სვამდნენ. მას შემდეგ, რაც კეჩხუაშვილმა ფაქტის დაფიქსირება ტელეფონით სცადა, როგორც თავად ამბობს, სკოლის დარაჯი მას ფიზიკურად გაუსწორდა. კეჩხუასვილმა საგანმანათლებლო დაწესებულებაში პოლიცია გამოიძახა და თანამშრომლებისთვის ალკოტესტის გაკეთება მოითხოვა, თუმცა სამართალდამცველებმა მისი მოთხოვნა არ გაითვალისწინეს.
