გორში, ანზორ გვაძაბიას სახელობის ვარსკვლავი დაზიანდა
ცნობილი გორელი რეჟისორის და მსახიობის, ანზორ გვაძაბიას სახელობის ვარსკვლავი დაზიანდა. გორის თეატრის წინ მდებარე ვარსკვლავზე მსახიობის სახელის და გვარის პირველი ასოებია წაშლილი. როგორც თეატრში განაცხადეს, მომხდართან დაკავშირებით ყველა მხარე საქმის კურსშია და ხარვეზს ის კომპანია აღმოფხვრის, რომელმაც ვარსკვლავი დაამონტაჟა. ცნობისთვის, გორის თეატრის წინ ანზორ გვაძაბიას ვარსკვლავი 2020 წელს გაიხსნა. მსახიობი და რეჟისორი, გორის საპატიო მოქალაქეა, ის იაკობ გოგებაშვილის პრემიის ლაურეატი და ლილი იოსელიანის სახელობის ჯილდოს მფლობელია.
.jpg)
