ქურდობა გორში - გაძარცვულია საბავშვო ბაღი
გორში, მე-15 ბაგა-ბაღი გაქურდეს. შემთხვევა გვიან ღამით, კომბინატის დასახლებაში მოხდა. როგორც ,,ტვ მონიტორინგს“ ადგილზე განუცხადეს, წაღებულია პლაზმური ტელევიზორი, კომპიუტერები და სხვა ძვირადღირებული ტექნიკა. ჩვენი გადამღები ჯგუფი ადგილზე იმყოფება და დამატებით დეტალებს არკვევს. ადგილზე იმყოფებიან სამართალდამცავები და მიმდინარეობს საგამოძიებო მოქმედებები. მომხდარზე გამოძიება შსს-მ ქურდობის მუხლით დაიწყო.
