კასპელი ახალგაზრდა თავდაცვის სამინისტროში გარდაცვლილი იპოვეს - კაცის ცეხდარი მეთაურმა ნახა



კასპელი ახალგაზრდა  თავდაცვის სამინისტროში გარდაცვლილი იპოვეს - კაცის ცეხდარი მეთაურმა ნახა

ტრაგედია კასპის მუნიციპალიტეტში. ,,ტვ მონიტორინგის“ ინფორმაციით, მამუკა მელაძე, რომელიც ტავდაცვის სამინისტროში 20 წლის განმავლობაში მუშავდა, გარდაცვლილი იპოვეს. არსებული ინფორმაციით, მამაკაცის ცხედარი  სამინისტროში მეთაურმა ნახა. ინფორმაციას ავრცელებს თავდაცვის სამინისტროც.

,,თავდაცვის ძალების აღმოსავლეთ სარდლობის სერჟანტი მამუკა მელაძე (1978 წელს დაბადებული) გვიან ღამით გარდაცვლილი იპოვეს, - ამის შესახებ ინფორმაციას თავდაცვის სამინისტრო ავრცელებს.

მათივე ცნობით, ფაქტზე გამოძიება დაიწყო.

„საქართველოს თავდაცვის სამინისტროს სამხედრო პოლიციის დეპარტამენტმა სუიციდის ფაქტზე, სისხლის სამართლის 115-ე მუხლის 1-ლი ნაწილით, რაც თვითმკვლელობამდე მიყვანას გულისხმობს, გამოძიება დაიწყო.

თავდაცვის ძალების აღმოსავლეთ სარდლობის სერჟანტი მამუკა მელაძე (1978 წელს დაბადებული) გვიან ღამით გარდაცვლილი იპოვეს, რომელმაც უწყების ერთ-ერთ ობიექტზე თავი ჩამოიხჩო. საქმეზე გამოკითხულია მოწმეები, დანიშნულია შესაბამისი ექსპერტიზები და ტარდება საგამოძიებო მოქმედებები.

გამოძიების პირველადი ინფორმაციით თვითმკვლელობა სავარაუდოდ ოჯახურ კონფლიქტს უკავშირდება.

თავდაცვის სამინისტრო მწუხარებას გამოთქვამს აღნიშნული ფაქტის გამო და უსამძიმრებს გარდაცვლილის ოჯახსა და ახლობლებს“, - ნათქვამია თავდაცვის სამინისტროს მიერ გავრცელებულ ინფორმაციაში.

ასევე შეგიძლიათ იხილოთ