გორის მუნიციპალიტეტის ტარნსპორტის სააგენტო მგზავრთა საყურადღებოთ განცხადებას ავრცელებს. განცხადებაში წერია, რომ 2 მაისს, აღდგომის დღესასწაულთან დაკავშირებით, ავტობუსების ნაწილი მრევლს დილის 4 საათიდან მოემსახურება.

2 მაისს, აღდგომის დღესასწაულთან დაკავშირებით, მოქალაქეების ინტერესებიდან გამომდინარე, ავტობუსების ნაწილი მრევლს დილის 04:00 საათიდან მოემსახურება

​ მუნიციპალური ტრანსპორტი მოძრაობას დაიწყებს გორის ღვთისმშობლის შობის საკათედრო ტაძრიდან ოთხი მიმართულებით: სადგური, კომბინატის დასახლება, ვერხვების დასახლება და წმინდა წყალი

ავტობუსების მომსახურებით სარგებლობას სხვა ტაძრების მრევლიც შეძლებს

აქვე შეგახსენებთ, რომ ავტობუსები დღეს ჩვეული რეჟიმით 20:00 საათამდე იმოძრავებენ

უწყებათაშორისი საკოორდინაციო საბჭოს გადაწყვეტილებით კი მუნიციპალური ტრანსპორტი 3-12 მაისის ჩათვლით არ იმოძრავებს - წერია გორის მუნიციპალიტეტის ტრანსპორტის სააგენტოს განცხადებაში.