კასპის მუნიციპალიტეტის მაღალმთიან სოფლებში, მთიულთუბანსა და გუდალეთს შორის დამაკავშირებელ გზაზე არმირებული ბეტონის საფარის მოწყობის სამუშაოები მიმდინარეობს.
მიმდინარე ინფრასტრუქტურულ პროექტს კასპის მუნიციპალიტეტის მერი ვახტანგ მაისურაძე, საკრებულოს თავმჯდომარე შოთა ბეგლარაშვილი და ადგილობრივი თვითმმართველობის წარმომადგენლები ადგილზე გაეცნენ.
პროექტი ადგილობრივი ბიუჯეტის დაფინანსებით ხორციელდება. სამუშაოების დასრულების შემდეგ მნიშვნელოვნად გაუმჯობესდება ორ სოფელს შორის საგზაო ინფრასტრუქტურა, რაც ადგილობრივ მოსახლეობას უსაფრთხო და კომფორტული გადაადგილების შესაძლებლობას მისცემს.
პროექტის განხორციელება განსაკუთრებით მნიშვნელოვანია მაღალმთიანი სოფლების მოსახლეობისთვის, რადგან მოწესრიგებული საგზაო ინფრასტრუქტურა მათ ყოველდღიურ გადაადგილებას გაამარტივებს.
