ახალგაზრდობის საერთაშორისო დღისადმი მიძღვნილი ღონისძიებების ფარგლებში, ხაშურის კომპლექსური სასპორტო სკოლის დარბაზში კალათბურთში გიორგი მახარაშვილის სახელობის მემორიალური ტურნირი გაიმართა.
ტურნირში მონაწილე გუნდებს შორის პირველი ადგილი გუნდმა „მახარა“ დაიკავა, მეორე ადგილზე „U14“, ხოლო მესამე ადგილზე „SPADERS“ გავიდა.
გამარჯვებულებსა და საპრიზო ადგილზე გასულ გუნდებს თასები, მედლები და სიგელები ხაშურის მუნიციპალიტეტის მერიის განათლების, კულტურისა და სპორტის სამსახურის ხელმძღვანელმა კონსტანტინე ფრუიძემ, სპორტის განყოფილების ხელმძღვანელმა ბესიკ გაჩეჩილაძემ, სასპორტო სკოლის ხელმძღვანელმა ვანო ხარაზიშვილმა და გიორგი მახარაშვილის მამამ, ალიკა მახარაშვილმა გადასცეს.
ტურნირის საუკეთესო მოთამაშის პრიზი ლუკა გელაშვილს გადაეცა.
გიორგი მახარაშვილის სახელობის მემორიალური ტურნირი ხაშურის მუნიციპალიტეტის მერიის განათლების, კულტურისა და სპორტის სამსახურისა და ხაშურის სასპორტო სკოლის ორგანიზებით გაიმართა.
