„ქართული ოცნება -დემოკრატიული საქართველოს „  გორის მუნიციპალიტეტის მერობის კანდიდატმა  ვლადიმერ( ლადო) ხინჩეგაშვილმა მოსახლეობასთან შეხვედრები დაიწყო.

მმართველი გუნდის მერობის კანდიდატი გორის მუნიციპალიტეტის სამ სოფელში( ატენი, ბოშური , ლევიტანა) იმყოფებოდა.  ვლადიმერ ხინჩეგაშვილმა  ადგილობრივებს  მუნიციპალიტეტისა და კონკრეტულად ტანას ხეობის განვითარების საკუთარი ხედვები გაუზიარა .მოსახლეობამ მერობის კანდიდატთან    სოფლებში არსებულ პრობლემებზე    ისაუბრა . შეხვედრის მონაწილეებმა აღნიშნული პრობლემების დროულად და ეფექტურად მოგვარებაზეც იმსჯელეს.

„ დღეს ვიმყოფებოდი ტანას ხეობის სამ სოფელში.  შევხვდი ადგილობრივებს, რომლებმაც განსაკუთრებული სითბოთი და სიყვარულით მიმიღეს , რისთვისაც უდიდესი მადლობა მინდა გადავუხადო.

 შეხვედრებისას გამოიკვეთა ის პრიორიტეტული საკითხებიც , რომელთა დროულად მოგვარებაც ადგილობრივებისთვის სასიცოცხლოდ მნიშვნელოვანია. საუბარია სასმელ წყალზე და საგზაო ინფრასტრუქტურულ პრობლემებზე, რომელთა მოგვარებისთვის დაწყებული სამუშაოები ეტაპობრივად მიმდინარეობს.

 ჩვენს მუნიციპალიტეტში ტანას ხეობა ერთ-ერთი ულამაზესი ადგილია და შესაბამისად , ამ ხეობის  ტურისტული პოტენციალი უსაზღვროა . ჩემი მერობის შემთხვევაში მაქსიმალურს გავაკეთებ , რათა ტანას ხეობა როგორც ადგილობრივი , ასევე უცხოელი ტურისტებისთვის მიმზიდველი გახდეს. ამისთვის კი მოსახლეობის  ნდობა და მხარდაჭერაა საჭირო.

 ჩემთვის არ არსებობს ის  ბარიერები, რომლებიც მოსახლეობას დამაშორებს . მივალ თითოეულ სოფელში , თითოეულ ოჯახში და ერთად დგომით  შევქმნით უკეთეს ხვალინდელ დღეს“ -განაცხადა გორის მუნიციპალიტეტის მერობის კანდიდატმა ვლადიმერ ხინჩეგაშვილმა

"ქართული  ოცნება   დემოკრატიული საქართველოს " გორის მუნიციპალიტეტის მერობის კანდიდატის წინასაარჩევნო შეხვედრებს , "ქართული ოცნებიდან " ქვახვრელის , ბოშურის ხიდისთავისა და ატენის ადმინისტრაციულ ერთეულში  მაჟორიტარი დეპუტატობის კანდიდატი ბორის გოგიჩაიშვილი და ადგილობრივი ხელისუფლების წარმომადგენლებიც დაესწრნენ.