გორელი ძიუდოისტი ევროპის 23 წლამდელთა ჩემპიონატის ვერცხლის პრიზიორია.
22 წლის გორელი ძიუდოისტი, ალეკო მამიაშვილი, ევროპის 23 წლამდელთა ჩემპიონატის ვერცხლის პრიზიორია.
ბუდაპეშტში (უნგრეთი) მიმდინარე ამ შეჯიბრებაზე, მამიაშვილმა 73 კგ-ში იასპარეზა, 4 მოწინააღმდეგის ბარიერი დაძლია, მხოლოდ ფინალი დათმო და საბოლოოდ ვერცხლის მედალი ერგო.
ალეკო მამიაშვილი, გორის გურამ პაპიტაშვილის სახელობის ჭიდაობის კომპლექსური სპორტული სკოლის აღზრდილია. ის ევროპის თასების რამდენიმე გზის პრიზიორია, წლეულს თბილისის გრანდ სლემზე ბრინჯაოს მედალიც აიღო. ამჟამინდელი წარმატება კი, მის კარიერაში მოცემულ ეტაპზე საუკეთესო შედეგია.
