გორის მერის ხელფასი 5 500 ლარი იქნება - ანაზღაურება გაეზარდათ სხვა ჩინოვნიკებსაც
გორის მუნიციპალიტეტის მერს, ვლადიმერ ხინჩეგაშვილს ხელფასი 5 500 ლარი ექნება.
გორის საკრებულომ ახალი ბიუჯეტი დღეს დაამტკიცა და ანაზღაურება თითქმის
100%-ით გაუზარდა საკრებულოს თავმჯდომარესა და სხვა მაღალჩინოსნებსაც.
საკრებულოს დღევანდელ სხდომას ბოიკოტი გამოუცხადა და სხდომა პროტესტის ნიშნად დატოვა ,,ნაციონალურმა მოძრაობამ“ .
ოპოზიციაში ამბობენ, რომ ახალი ბიუჯეტი მთლიანად ადგილობრივი მაღალჩინოსნებისა და პარტაქტივის
ინტერესებსაა მორგებული და არაა გათვალისწინებული მოსახლეობის პრობლემები და ინტერესები.
