,,გაკეთებული დავტოვე მანქანა და რომ მოვედი დაშლილი დამხვდა" - გორის სახელოსნოში მანქანა გაქურდეს
გორში წუხელ გვიან ღამით მანქანა გაქურდეს. შემთხვევა კომბინატის დასახლებაში მოხდა. არსებული ინფორმაციით, სახელოსნოში, შესაკეთებლად მიყვანილ მანქანაზე ხელოსანს ბამპერი, ფარები და სხვა ნაწილები მოხსნილი დახვდა. ამ წუთებში შემთხვევის ადგილზე სამართალდამცველები მუშაობენ, მომხდარზე დაწყებულია გამოძიება.
,,გაკეთებული დავტოვე მანქანა და რომ მოვედი დაშლილი დამხვდა. წაღებულია წინა ბამპერი, ფარები, ფაქტობრივად არარაფერი აქვს ზედ. დავრეკე პოლიციაში და ახლა მუშაობენ, იმედია დაადგენენ ქურდის ვინაობას. რაც შეეხება ზარალს, ზუსტად დათვლილი არ გვაქვს ჯერ" - ამბობს დაზარალებული
