საერთაშორისო რესპუბლიკური ინსტიტუტი, (IRI) პოლიტიკური პარტიების რეიტინგებს აქვეყნებს. კვლევის შედეგებში ჩანს, რომ კითხვაზე, რომელ პარტიას მისცემდნენ ხმას, ამ კვირას რომ არჩევნები ტარდებოდეს, გამოკითხულთა 25% ამბობს, რომ "ქართულ ოცნებას", 13% - "ერთიან ნაციონალურ მოძრაობას", 4% კი პარტიას - "საქართველოსთვის" მისცემდა. აღსანიშნავია, რომ გამოკითხულ მოქალაქეებს პარტიებს შორის თავიანთი პირველი და მეორე არჩევანი უნდა დაეფიქსირებინათ. 

კვლევის სრული შედეგები კი ასე გამოიყურება:

• "ქართული ოცნება" - 25%
• "ერთიანი ნაციონალური მოძრაობა" - 13%
• "საქართველოსთვის" - 4%
• "სტრატეგია აღმაშენებელი" - 3%
• "გირჩი" - 3%
• "გირჩი - მეტი თავისუფლება" და "დროა" - 2%
• "ლელო" - 2%
• "ლეიბორისტული პარტია" 2%
• "მოქალაქეები" - 2%
• "ხალხისთვის" - 2%
• "ხალხის ძალა" - 1%
• "პატრიოტთა ალიანსი" - 1%
• "ალტ-ინფო" - 1%
• "ევროპული საქართველო" - 1%

ასევე, გამოკითხული რესპონდენტების 18% ამბობს, რომ არ იცის 6% პასუხობს, რომ არჩევნებში მონაწილეობას საერთოდ არ მიიღებდა, 5%-მა კი პასუხის გაცემაზე უარი განაცხადა.

ცნობისთვის, საერთაშორისო რესპუბლიკური ინსტიტუტის (IRI) კვლევა 2023 წლის 14 სექტემბრიდან 14 ოქტობრამდე პერიოდში პირდაპირი გამოკითხვის მეთოდით ჩატარდა. კვლევის ფარგლებში, შემთხვევითობის პრინციპით შერჩეული, ჯამში, საქართველოს 1 200 მოქალაქე გამოიკითხა. საშუალო ცდომილების ზღვარი კი +/- 2.5%-ია.