დღეს საქართველოში პოლიციელის პროფესიული დღე აღინიშნება
დღეს პოლიციელის პროფესიული დღეა. ამ დღის აღსანიშნავად, შინაგან საქმეთა სამინისტრომ ღონისძიება გამართა, სადაც მიწვეულნი იყვნენ საქართველოს პრეზიდენტი, პრემიერ-მინისტრი, მთავრობისა და პარლამენტის წევრები, საქართველოში აკრედიტებული დიპლომატიური კორპუსის წარმომადგენლები.
ქვეყნის სამსახურში 40 000-ზე მეტი მოქმედი თანამშრომელია. ღონისძიება შინაგან საქმეთა სამინისტროს ადმინისტრაციული შენობის მიმდებარე ტერიტორიაზე 11:00 საათზე დაიწყო.
