საგზაო მოძრაობის უსაფრთხოების უზრუნველყოფის მიზნით, გორის მუნიციპალიტეტში ახალი ვიდეოკამერები ჩაირთო - ინფორმაციას გორის მერია ავრცელებს. მათივე ცნობით, კამერები აფიქსირებენ საგზაო მოძრაობის წესების დარღვევებს.

ვიდეოკამერები ჩაირთო შემდეგ ლოკაციებზე:

გორი, შუქნიშნებთან

გორის, ცხინვალის გზატკეცილი #4

ცხინვალის გზატკეცილი ს/გზის მე-3 კმ (ავტობანის კვანძის მიმდებარედ)

ცხინვალის გზატკეცილი ს/გზის მე-6 კმ (კარალეთის მიმდებარედ)

ცხინვალის გზატკეცილი ს/გზის მე-9 კმ (კარალეთის მიმდებარედ)

ცხინვალის გზატკეცილი ს/გზის მე-13 კმ (ძევერის მიმდებარედ)

ცხინვალის გზატკეცილი ს/გზის მე-17 კმ (ტყვიავის მიმდებარედ)

ბერბუკის მიმდებარედ

ხელთუბნის მიმდებრედ

ხიდისთავის გასასვლელის მიმდებარედ

უფლისციხის მიმდებარედ

ქალაქის შესასვლელში და გასასვლელში დამონტაჟებული ვიდეოკამერები სავალდებულო პერიოდული ტექნიკური ინსპექტირების გავლასაც აკონტროლებს.

დაჯარიმებული მძღოლები ჯარიმის შესახებ ინფორმაციას შსს-ს მომსახურების სააგენტოს მომხმარებელთა სატელეფონო მონაცემების ბაზაში დაფიქსირებულ ტელეფონის ნომერზე მიიღებენ.

მძღოლების ინფორმირების მიზნით, აღნიშნული ტექნიკური მოწყობილობების განთავსების ადგილზე წინასწარ დამონტაჟდა საგზაო გამაფრთხილებელი აბრებიც.