ცხინვალში ე.წ სასამართლომ კიდევ საქართველოს ერთ მოქალაქეს გამოუტანა განაჩენი
გელა გოჭოშვილს, რომელიც ოკუპანტებმა რამდენიმე თვის წინ დააკავეს, ცხინვალის ე.წ. სასამართლომ 1 წლიანი თავისუფლების აღკვეთა შეუფარდა. მას ე.წ საზღვრის კვეთის გარდა, კონტრაბანდასაც ედავებიან.
იგი 14 აგვისტოდან უკანონო პატიმრობაში იმყოფება. გელა გოჭოშვილი კასპის მუნიციპალიტეტიდანაა, გარკვეული დროის განმავლობაში, საქართველოში არ იმყოფებოდა, მისი ოჯახი კი, ახალგორში ცხოვრობს.
