ზაზა გახელაძის მამა საოკუპაციო ხაზს მიღმა არ გადავიდა
ცხინვალის ციხის პატიმრის, ზაზა გახელაძის მამამ მიხეილ გახელაძემ საოკუპაციო ხაზის გადაკვეთა გადაიფიქრა. მან მედიას უთხრა, რომ განზრახვა პატრიარქის თხოვნის გამო შეცვალა.
გორისა და ატენის მიტროპოლიტმა მეუფე ანდრიამ და ატენისა და სამთავისის მიტროპოლიტმა მეუფე დამიანემ გახელაძეებს უთხრეს, რომ პატრიარქმა ილია მეორემ წერილი მოამზადა, რომელსაც გაუგზავნის რუსეთის პატრიარქს და სთხოვს, რომ ჩაერთოს ამ პრობლემის მოგვარებაში, რათა ზაზა გახელაძე დროულად დაუბრუნდეს ოჯახს.
