გორში "სოკარის" სერვისცენტრი გაქურდეს - წაღებულია დასამონტაჟებლად გამზადებული გათბობის სისტემა
წმინდა წყლის დასახლებაში კომპანია "სოკარ ჯორჯია გაზის" სერვისცენტრი გაქურდეს.
წინასწარი ინფორმაციით, მოპარულია გათბობის სისტემა, რომელიც დასამონტაჟებლად იყო გამზადებული.
შემთხვევა, სავარაუდოდ, გვიან ღამით მოხდა. სულ წაღებულია 3 ე.წ. საქვაბე.
ტერიტორია ყვითელი ლენტით არის შემოსაზღვრული, საქმეზე პოლიცია საგამოძიებო მოქმედებებს ამ წუთებში აწარმოებს.
