სოციალუ ქსელში, ხაშურელი მეუფე სვიმეონის, სავარაუდო ბიზნესების ამსახველი ფოტოები ვრცელდება. პოსტის ავტორი ირწმუნება, რომ ეს მეუფის ქონების ნაწილია, რომელსაც იგი თავად განკარგავს. ზაზა მეხრიშვილის განცხადებით, სასულიერო პირი ტექნიკითა და მაღაზიების გაქირავებითაც შოულობს ფულს.

,,ხაშურელებო! აი, ეს ყველაფერი ჩვენი მეუფის ბიზნესის მხოლოდ ნაწილია. მაგას რა აქვს სათქმელი ლევან გამრეკელზე, როცა ტექნიკას და მაღაზიებს აქირავებს, ეს საცხოვრებელი ვაგონები 100 ერთეულზე მეტი აქვს, როგორ ვთხოვე ერთ გაჭირვებულისათვის მიეცა, რომელსაც ავადმყოფი შვილი და ბებია ყავს სახლში, დანგრეულ შენობაშია შეხიზნული და წყალი ჩამოდის. ერთი ვაგონი ვერ გაიმეტა ასეთი გაჭირვებული ადამიანებისთვის.დასკვნები თქვენ გააკეთეთ, რა აქვს სალაპარაკო მეუფეს გამრეკელზე.“-წერს ზაზა მეხრიშვილი.

შეგახსენებთ, რომ სურამისა და ხაშურის ეპისკოპოს სვიმეონს და ხაშურელ მილიონერს შორის დაპირისპირებაა. ეპისკოპოსმა სვიმეონმა ქვიშხეთის ეკლესიაში, ლევან გამრეკელი ამბიონიდან გააკრიტიკა. როგორც ირკვევა კრიტიკის მიზეზი ბევრი ფულია, რომელიც მეუფემ ლევან გამრეკელს სთხოვა.