ავტოსაგზაო შემთხვევა გორის მუნიციპალიტეტში - არიან დაშავებულები
გორის მუნიციპალიტეტის სოფელ ხურვალეთში ავტოსაგზაო შემთხვევა მოხდა. ,,ტვ მონიტორინგის“ ინფორმაციით, ერთმანეთს მოტოციკლეტები შეეჯახნენ, შედეგად ორი ადამიანი მსუბუქად დაშავდა. ისინი სასწრაფო სამედიცინო დახმარების ჯგუფმა, გორის საუნივერსიტეტო კლინიკაში გადაიყვანა. როგორც სამედიიცნო დაწესებულებაში ამბობენ, დაშავებულებს პირველადი სამედიცინო დახმარება გაეწიათ და კლინიკიდან მალევე გაწერეს. მომხდარზე შინაგან საქმეთა სამინისტრომ გამოძიება, ადმინისტრაციული წესით დაიწყო.
