გორის მუნიციპალიტეტში უკანონო ტყითსარგებლობის ფაქტი გამოვლინდა
გარემოსდაცვითი ზედამხედველობის დეპარტამენტის აღმოსავლეთის რეგიონული სამმართველოს თანამშრომლებმა უკანონო ტყითსარგებლობის ფაქტი, გორის მუნიციპალიტეტში გამოავლინეს.
სოფელ ილოზში, შეჩერებული ავტომანქანის ძარაზე, 7 მ3 სხვადასხვა სახეობის საშეშე მერქანი იყო განთავსებული.
,,მძღოლმა ვერ წარმოადგინა შესაბამისი დოკუმენტაცია. შედგა შესაბამისი ოქმი. ავტომანქანა დაილუქა.“- ნათქვამია გარემოსდაცვითი ზედამხედველობის დეპარტამენტის მიერ გავრცელებულ განცხადებაში.
