Pfizer-ის ხელმძღვანელი: პანდემიის მიმდინარე ტალღა ბოლო ტალღა იქნება ამდენი შეზღუდვით



Pfizer-ის ხელმძღვანელი: პანდემიის მიმდინარე ტალღა ბოლო ტალღა იქნება ამდენი შეზღუდვით

ფარმაცევტული კომპანია Pfizer-ის აღმასრულებელმა დირექტორმა, ალბერტ ბურლამ განაცხადა, რომ პანდემიის მიმდინარე ტალღა ბოლო ტალღა იქნება ამდენი შეზღუდვით.

„ყველაზე სავარაუდო სცენარია, რომ ვირუსი წლების განმავლობაში ცირკულირებას განაგრძობს. ეს არის ვირუსი, რომელიც მთელ მსოფლიოშია გავრცელებული და მისგან თავის დაღწევა ძალიან რთულია, მაგრამ ვფიქრობ, რომ მეცნიერების მიერ შექმნილი ინსტრუმენტების წყალობით, მიმდინარე ტალღა ბოლო ტალღა იქნება ამდენი შეზღუდვით“, - აღნიშნა ალბერტ ბურლამ ფრანგულ ტელეარხ BFM TV-სთან ინტერვიუში.

მისი თქმით, კომპანია ვაქცინის ახალ ვერსიაზე მუშაობს, რომელიც მოიცავს არა მხოლოდ ძველ ვარიანტებს, არამედ „ომიკრონსაც“.

Pfizer-ის აღმასრულებელი დირექტორი მიიჩნევს, რომ პანდემიასთან უფრო ეფექტური ბრძოლისთვის ვაქცინის სამი დოზა და ყოველწლიური რევაქცინაციაა საჭირო.

„ჩემთვის მნიშვნელოვანია სამი დოზის მიღება სრული ვაქცინაციისთვის და შემდეგ წელიწადში ერთი დოზა, გარდა დაქვეითებული იმუნიტეტის მქონე ადამიანებისა, რომელთა ვაქცინაცია ყოველ კვარტალში ერთხელ არის შესაძლებელი“, - აღნიშნა მან.

ასევე შეგიძლიათ იხილოთ