გორთან მომხდარი ავარიის შედეგად გარდაცვლილთა შორის ერთი მცირეწლოვანი ბავშვია - ახალი დეტალი
გორთან, ცოტა ხნის წინ მომხდარ ავტოსაგზაო შემთხვევას ერთი მცირეწლოვანი ბავშვის, ხოლო სამი ზრდასრული ადამიანის სიცოცხლე ემსხვერპლა. TV მონიტორინგის ინფორმაციით, ისინი ერთი ოჯახის წევრები იყვნენ.
არსებული ინფორმაციით, ავტომობილი, რომელიც სავარაუდოდ გადაჭარბებული სიჩქარით მოძრაობდა, გზის სავალი ნაწილიდან გადავიდა და ამოტრიალდა. ამ ეტაპზე ადგილზე სამართალდამცველები მუშაობენ. პერიმეტრი კი ყვითელი ლენტითაა შემოსაზღვრული. შინაგან საქმეთა სამინისტროში ამბობენ, რომ გამოძიება, 276-ე მუხლით დაიწყო.
