რამდენიმე თვიანი გაძვირების შემდეგ ზეთის მთავარ იმპორტიორ ქვეყანაში მზესუმზირის ზეთის ფასები იკლებს.

SovEkon-ს მონაცემებით, მიმდინარე თვის პირველ ნახევარში რუსეთში მზესუმზირის ზეთზე საექსპორტო ფასი 20 დოლარით დაეცა და ტონაზე ათას 270 ამერიკული დოლარი შეადგინა. IKAR-ის ინფორმაციით, ტონაზე ფასი ათას 300 დოლარიდან ათას 267 დოლარამდე დაეცა. ტონაზე 25 ამერიკული დოლარით შემცირდა ივლისის მომარაგების ღირებულებაც და ათას 295 დოლარი გახდა.

10 ივნისის მონაცემებით, ივლისში მიწოდების წინადადებების ღირებულებამ ტონაზე ათას 295 დოლარი შეადგინა, რაც ბოლო 3 თვის ივლისის მიწოდების მინიმალური ფასია.
საანგარიშო კვირაში მზესუმზირის ზეთზე მსოფლიო ფასები 50-55 დოლარით ისევ დაეცა და ათას 285-ათას 290 დოლარი შედგინა.