ირანის ისლამური რესპუბლიკის უზენაესი ლიდერის, აიათოლა ალი ხამენეის სიკვდილის შემდეგ, ამერიკის შეერთებული შტატების პრეზიდენტმა დონალდ ტრამპმა ირანი გააფრთხილა, უარი თქვას საპასუხო დარტყმებზე, რადგან წინააღმდეგ შემთხვვევაში მიიღებს „არნახული ძალის დარტყმას“.

ისრაელის და აშშ-ის სამხედრო ოპერაციის შედეგად, 28 თებერვალს აიათოლა ალი ხამენეის სიკვდილის შემდეგ „ისლამური რევოლუციის გუშაგთა კორპუსი“ დაიმუქრა, რომ პასუხი „უძლიერესი“ იქნება.

ამ განცხადების პასუხად პრეზიდენტმა ტრამპმა თავის სოციალურ ქსელ Truth Social-ში 1 მარტს დაწერა, რომ ირანის განცხადებით, დღეს იქნება იმაზე უფრო ძლიერი დარტყმა, ვიდრე ოდესმე, მაგრამ უმჯობესი იქნება, თუ ამას არ გააკეთებენ, რადგან პასუხად მიიღებენ „აქამდე არნახული ძალის დარტყმას”.

მანამდე ტრამპმა განაცხადა, რომ ბევრ წევრს „გუშაგთა კორპუსიდან“, პოლიციიდან და უსაფრთხოების სხვა ძალებიდან ომი აღარ სურს, ამიტომ სანამ ჯერ კიდევ შეუძლიათ იმუნიტეტით ისარგებლონ და სიკვდილს გადაურჩნენ, იმედია, ირანელ პატრიოტებს შეუერთდებიან და ერთად იმუშავებენ, რათა ქვეყანას დაუბრუნონ დიდებულება, რომელსაც იმსახურებს.