ზურაბ ჯაფარიძე - არ მჯერა მიტინგების, ხმამაღლა ყვირილის და შეიკრიბა-დაიშალა აქციების. იძულების გზად მიმაჩნია არალეგიტიმური ხელისუფლებისადმი დაუმორჩილებლობა ნებისმიერი ფორმით, სახელმწიფო სტრუქტურების მუშაობის პარალიზება, საბოტაჟი და უზურპატორებისთვის ნერვების პერმანენტული შლა



ზურაბ ჯაფარიძე - არ მჯერა მიტინგების, ხმამაღლა ყვირილის და შეიკრიბა-დაიშალა აქციების. იძულების გზად მიმაჩნია არალეგიტიმური ხელისუფლებისადმი დაუმორჩილებლობა ნებისმიერი ფორმით, სახელმწიფო სტრუქტურების მუშაობის პარალიზება, საბოტაჟი და უზურპატორებისთვის ნერვების პერმანენტული შლა

„გირჩი მეტი თავისუფლების“ ლიდერი, დეპუტატი ზურაბ ჯაფარიძე აცხადებს, რომ მიტინგების, ხმამაღლა ყვირილის, შეიკრიბა-დაიშალა აქციების არ სჯერა და იძულების გზად მიაჩნია „არალეგიტიმური ხელისუფლებისადმი დაუმორჩილებლობა ნებისმიერი ფორმით“. ამის შესახებ ჯაფარიძე „ფეისბუქის“ გვერდზე წერს და სახელმწიფო უსაფრთხოების სამსახურს მიმართავს.

„რომ არ იწვალოთ აქ მოგიყვებით რას ვფიქრობ და რას ვაპირებ: ჩემთვის ყველაფერი იწყება რეალობის გააზრებით. ბოლო ორ არჩევნებზე გაყალბების მასშტაბი იყო ისეთი, რომ შეცვალა მთავარი მოცემულობა - ვინ არის ხელისუფლებაში, „ოცნება“ თუ რაიმე სახის ახალი კოალიცია. გაყალბებაში ვგულისხმობ ორ რამეს:

ა) საარჩევნო სისტემის არ გადაყვანა სრულად პროპორციულზე, მიუხედავად არაერთგზის საჯარო დაპირებისა

ბ) ჩემი გადახდილი გადასახადებით, ინფლაციითა და ჩემი შვილების მიერ გადასახდელი ვალებით ხმების ყიდვა საბიუჯეტო ორგანიზაციების, საპატრიარქოს, „ოცნებასთან“ დაახლოებული „ბიზნესებისა“ და ქურდული სამყაროს გამოყენებით. (კონკრეტულად არჩევნების პროცესში დარღვევებზე, პირადობების ჩამორთმევაზე, „კარუსელებზე“, ფულის დარიგებაზე და ა.შ. არ ვსაუბრობ, რადგან ზედა ორთან შედარებით ეს ყველაფერი მეორეხარისხოვანია თავისი მასშტაბით).

2. შედეგად თავზე მაზიან ვიღაც უსინდისო ნაბიჭვრები, რომლებსაც არ აქვთ რაიმე ლეგიტიმაცია მართონ ჩემი და ჩემი შვილების ცხოვრების რაიმე ასპექტიც კი. ეს ნაბიჭვრები ყოველდღიურად

ა) მართმევენ ფულს, რომელსაც მე გამოვიმუშავებ (მბეგრავენ),

ბ) იღებენ მილიარდობით ვალს რომელიც ჩემმა შვილებმა უნდა იხადონ მომავალში (თუ მანამდე არ გაიქცნენ)

გ) ბეჭადვენ ფულს, რის გამოც ფასები 13%-ით გაიზარდა შარშანდელთან შედარებით,

დ) 1 ლარად ან ძალიან იაფად ხელში იგდებენ ჩემ წილ ქონებას, რომლის უდიდესი ნაწილიც დღემდე სახელმწიფოს ხელშია,

ე) ამ ჩემ ფულსა და ქონებას იყენებენ იმისათვის, რომ ხელისუფლება კიდევ დიდხანს ჰქონდეთ უზურპირებული

ვ) წერენ და იღებენ ათასგვარ იდიოტურ კანონებს, რომლებიც მტოვებს სიღარიბეში და არ მაძლევს ამ ჭაობიდან ამოსვლის შესაძლებლობას

ზ) მისმენენ და მითვალთვალებენ ყველგან და ყოველთვის

თ) ღიად უგულვებელყოფენ ჩემი ქვეყნის დასავლელი მეგობრების რჩევებსა და რეკომენდაციებს, და ასევე ღიად და დაუფარავად მახუტებენ რუსეთს, როგორც მმართველობის სისტემის თვალსაზრისით, ისე გეოპოლიტიკურად.

3. ამ მოცემულობაში ნებისმიერი კეთილსინდისიერი მოქალაქისთვის შეიძლება არსებობდეს მხოლოდ ერთი მიზანი - ხელისუფლების მშვიდობიანი ცვლილება და შემდეგ სისტემის ისე გარდაქმნა რომ ვერავინ ვეღარასდროს შესძლოს ძალაუფლების ასეთი მასშტაბით კონცენტრირება ერთ ხელში.

ამ მიზნისკენ სვლა, ჩემი გადმოსახედიდან, ორ ნაბიჯიანია:

1) ხელისუფლების იძულება ორი მოსმენით მიიღოს საკონსტიტუციო ცვლილებები და ქვეყანა გადავიდეს სრულად პროპორციულ საარჩევნო სისტემაზე 2%-იანი ბარიერით

2) ხელისუფლების იძულება დანიშნოს რიგგარეშე არჩევნები.

4. როგორ ვაპირებ გაიძულოთ გადადგათ ეს ორი ნაბიჯი? მე არ მჯერა პროტესტის იმ ფორმების, რომლებიც ბევრჯერ ნაცადია, გაცვეთილია და რომლებთან მიმართებაშიც სისტემას, რომლის ერთ-ერთ იარაღსაც თქვენ წარმოადგენთ, უკვე იმუნიტეტი აქვს გამომუშავებული. არ მჯერა მიტინგების, ხმამაღლა ყვირილის და შეიკრიბა-დაიშალა აქციების. იძულების გზად მიმაჩნია არალეგიტიმური ხელისუფლებისადმი დაუმორჩილებლობა ნებისმიერი ფორმით, სახელმწიფო სტრუქტურების მუშაობის პარალიზება, საბოტაჟი და უზურპატორებისთვის ნერვების პერმანენტული შლა. მთელი ჩემი დროის და ენერგიის ამაზე დახარჯვას ვაპირებ. სისხლს გაგიშრობთ.

პ.ს. აქვე, რამეზე რომ არ დამიჭიროთ:

1. თვეებია არ გავკარებივარ არცერთ ნარკოტიკს

2. ტარების უფლებით მაქვს გაფორმებული 6 სხვადასხვა სახის იარაღი და არაფერში მჭირდება გაუფორმებელი იარაღით მოძრაობა“, - წერს ზურაბ ჯაფარიძე.

ასევე შეგიძლიათ იხილოთ